يا شعب السودان العظيم السودان الليلة واقف في مفترق طرق يا استقلال إرادة يا وكالة للغريب بلدنا في لحظة فارقة والصفوف اتميزت والحقائق بقت واضحة قدام الناس
جيشنا وشعبنا شايلين سلاح الوجود عشان نقضي على التمرد ونحفظ سيادة الوطن..لكن في ناس تانية صوتهم عالي برة البلد شايلين شنطهم لافين عواصم أفريقيا والعالم بدعوا إنهم بيمثلوا المواطن وهم بعيدين كل البعد عن وجع الناس وهموم الداخل الناس البتقول على نفسها كتل ومجموعات دي ما جابت شي جديد دي امتداد لنفس النهج الاستعماري القديم وشايلة دور الوكالة عن الخارج
النخب دي عاشت ولسه عايشة على تأجيج النار بدل إطفائها مصلحتهم في الفوضى وشرعيتهم ما بتجي إلا لما يربطوا مصير البلد أجندة مستورده وهم الوكالة وإدارة الصراعات دا شغلهم من سنين
زرعوا الفتنة والعنصرية بيناتنا وصنعوا قصص كضب عشان يمزقوا نسيجنا الاجتماعي
يطلعوا ليك الصراع كأنه موارد وهويات
والهدف الحقيقي إخضاع إرادتنا الوطنية وإطالة معاناتنا..بلغ السيل الزبى وتاني مافي مجاملة.الحسم بقى فرض والتطبيق الصارم للقانون على الكل المحاسبة جاية وشاملة وما بتفرز زول مهما كان موقعه الوطن خط أحمر وأمنه واقتصاده فوق أي شي ما فيهم مساومة المرحلة دي دايرة وقفتنا كلنا صف واحد ورا دولتنا وأجهزتنا الأمنية.. إطلاق يد الأمن الاقتصادي دا إعلان مرحلة جديدة عنوانها القوة والردع
مخابرات كاملة الصلاحيات وأجهزة أمن قوية بتصل أوكار الفساد
وبتجف منابعه وبتقلعه من أي موقع ومرفق وسوق
الوطن داير وعي كامل مننا وإجراءات رادعة تحفظ حق الناس.. الواقف مع الدولة يستاهل التقدير والاحترام
البلعب بمصالح الناس يشيل شيلته براه..تحية لكل عين صاحية حارسة أمن البلد..تحية للهدهد البنحبه السبق البعدل الكيف تحية لكل يد بتحمي اقتصادنا وبتأدي شغلها بشرف ضد الفوضى والفساد والتخريب.
*محمدطه محمد عبدالله*
