يا اخونا الشركة السودانية للكهرباء دى ربنا ساخطها ولاعن ابو ام ابوها، لانها ادارة ظالمة تاكل اموال الناس بالباطل بموجب عقود اذعان الشيطان الرجيم ما فكر فيها!!
ادارة تلزم المواطن المطحون ده يجيب العمود والسلك والترانس وحق الشركة المنفذة وحق حاجة (تافه) اسمها الاشراف وحق العداد بمبالغ مليارية ثم تخليه يوقع عقد بالتنازل عن هذه الاشياء، لا وايه تدٌفعو ايجار عداد شهرى!!.
هو الظلم ده واكل اموال الناس بالباطل والعين الحمرة وهى الهمبتة والقرصنة دى شنو؟ ما ياها جنس العمائل دى قلع محمى بالقانون، ادارة ذى دى فى ظل دولة ذى دى تمشى لى قدام كيف؟.
لذلك عادى جدا ممكن تجى شاحنة تخشى ليها فى برج من ابراج الكهرباء فى خلاء الله الواسع ده وتقطع الكهرباء عن بورتسودان 15 يوم كم حدث قبل سنتين ثلاث، وعادى جدا حاوية فاضية خاتنها حماية للمحول من المسيرات يجى هواء يشيل الحاوية دى يرميها فى المحول يطلع ميتينها ذاتو، وبموجبه تطلع عطبرة وبورتسودان من الخدمة.
دى كووولها لانها شركة منحوسة مسخوطة من رب العالمين.
يا اخونا عشان الكهرباء دى تتحلى فى السودان لازم تغور هذه الشركة المستكرتة فى ستين داهية، ويطرحو تشغيل الكهرباء فى عطاء لشركات متعددة، الحكومة دى ما عندها اى حاجة للكهرباء مش كان جاء كامل كان جاء كل الكماليين.
اعوذ بالله ياخ.
