*يا أهل السودان الطيبين* الكلام بالواضح كده جنودنا ديل رجال بالجد وكملو الرجالة وفاتوها لي قدام واقفين في الميدان صدورهم حيطه للوطن ما خايفين ولا بتراجع بيدافعو عن أرضنا وعرضنا وكرامتنا بي دمهم لكن يا جماعة في ناس عينهم على بلدنا وعلى خيراتنا دايرين يتقاسمو الكيكة مع ناس بره البلد والكيكة دي طبعا ثروات السودان الربنا نعم علينا بيها والحاصل ده كلو جاي من فوضى القرار ومن ناس فرطو في سيادة البلد وقت المحن الغلطة الكبيرة كانت خروج ناس من السودان أثناء الحرب بي كل سهولة وأمان ودي كانت القشة القسمت ضهر البعير وفتحت الباب للتدخل من بره غلطة الشاطر بعشرة وغلطة الوطن بدم الشهيد يا ربي الشاطر السمح الادى الأوامر الغلط منو اعرفو كويس يا أخوي لو اختفيت الليلة التاريخ بجيب اسمك بكره لأنو المعاناة الحاصلة هسه سببها الدعم والغطاء الجاي من بره للمليشيا المتمردة وديل السبب الأساسي في طول أمد الحرب على شعبنا.
*وأخيرا*
عندنا ليكم بشارة والبشارة خير يا ناس كردفان الكبرى حضرو وستفو..النصر جاي بإذن الله وما بعيد الجيش منتصر والمليشيا ماشة لي زوال أبشرو بالعز وأبشرو بالأمن والأمان الجاي.
الله أكبر والعزة للسودان الرحمة للشهداء وعاجل الشفاء للجرحى.
*محمدطه محمد عبدالله*
