نتيجة للحرب كان النزوح واجمل مخرجاتا انو اتلميت مع زملاء اكارم افاضل مليانين لطافة وظرافة وجودم ازاح عني الكثير من ضغوطات النزوح
وحشتني جدا بورتسودان التي احب.. وحشتني لمتنا في مؤتمرات عمارة الضمان الاجتماعي(عمارة جبريل) وحشتني قعدتنا في الشجرة المجاورة ليها(مكتب نصر الدين اب دقن) ونقاشنا وونستنا ومكاواتنا لبعض وحشتني قاعة رئاسة الشرطة والمنبر وعواطف وسارة والعقيد نميري وشجرة سوداني والقعدة الحلوة مع الزملاء الزميلات الجميلين والجميلات مزدلفة ونجلا ومني ودبكراوي وهنادي ومنيرة ومصعب الشريف وصبري جبور وباعو وبمباني و منازل وشاي وقهوة ادروب الجميلة وحشتني جدا لماتنا في افراح واتراح الزملاء نادي المواني ونادي الشرطة مع الزملاء لؤي وهويدا ورشا وندي وايناس وحبيبة وانصاف واماني وضحى وفاطمة وهند وميسون وسعاد وسلمي (كمونة) وحشتني لمتنا وسمرنا المسائي في المكتبة الولاىية واستاذ عنقرة ومعتصم وزاهر(ابن اختي زي مابقول ليه استاذ، عنقرة) وحشتني قعدتنا في مركز مصعب للمؤتمرات وايات وبشة وبخاري واكل الشعيرية البعملا لينا ناكل واحنا مبسوطيين وبعدها الشاي (ومابندفع ولا جنيه) وحشتني رحلاتنا للكيلو بعد كل مؤتمر، او ورشة (البعملا الوالي مصطفي محمد نور ونضرب السمك على الهواء مباشرة) وحشتني قعدتنا مع مشاعر البدوي في السي لاند وهي بتجهز لبرنامج مساندة القوات المسلحة وتجيب لينا شاي اللبن من ادروب وبعده بوش من (صبة) وتاني يوم عشا مدنكل في كافتيريا ملك الجامبو وبعده فاصل غنائي جميييل واحنا قاعدين في (شارع الله) ونادي الهلال وفعاليات المساء واحشاني لمتنا في رمضان في افطار السي لاند مع عاصم البلال وعظمة ومجدي وندي ورشا وهويدا البعمله دايما هاشم وبعد المغرب جلسة بالعود ي سلااام وحشتني جدا ايام مؤتمرات صالة الشمندورة وفندق روتانا والربوة وعمارة الجهاز ومؤتمرات سونا (البنسجل فيها الاسماء ونقعد نشغلا لايناس ما نزلوا لينا قروش) وهي تضحك وتقول لسا والله م بنسي كيف بكون قلبنا علي بعض حتي في لمتنا في المستشفي واحنا قلقانين على باعو عيان ومني اللحيمر وحشني، جدا مكتب الرابطة الجوه السوق واستاذ شجر، وابتسام لم ينادونا لاستلام المواد التموينية والبطاطين ونمشي نقيل في المكتب والكهربا تقطع ونقعد نهبب وحشتني جدا مشاوير الشغل في احياء بورسودان ونواديها ومابنسي نادي الادباء والفنانيين وسحري الجميل وقفشاتو(واعترافه انو بكسر تلج) وعز الدين ونادي حي العرب وحشتني لمتنا جنب الهلال الاحمر مع نجلاء وهي بتدينا دعومات الهلال الاحمر وحشتني قعدتنا مع فاطمة البصير في الورش مطعم ذا دق والضمان وما بنسي لمتنا في بيت سلبونا لم منازل تظبط القهوة ونضحك ونكاوي راشان وبنات بيت سلبونا بقيادة مذدلفة واحشاني رحلاتنا لسواكن ومابنسي مؤتمرات جريدة برؤوت والسر، القصاص والصحافة الالكترونية .. زملاىي وزميلاتي المعذرة اذا سقط مني اسم واحد من الزملاء سهوا(الكبر دخل) بالجد احلى سنتين ونص في حياتي عشتهم في بورتسودان التي احب ايام خالدة في الذاكرة لم ولن تنسى ابدا.. اتمنى الصحة والعافية والتوفيق لكل الزملاء والزميلات وانشاء الله نتلما بعد الشتات الحاصل في ساعة خير
